Hver prjónastund er verðmæt. Kennslumyndböndin okkar koma sér beint að efninu: engir langir inngangar, bara skýrar leiðbeiningar sem sýna nákvæmlega hvernig á að gera.
Við munum halda áfram að bæta við safnið, kíktu aftur fljótlega til að sjá fleiri myndbönd.
Myndband sem sýnir allt ferlið, frá uppfit til tilbúinnar prjónfestu. Hvernig prjóna á prufu sem er auðvelt að mæla og man prjónastærðina, hvernig á að þvo hana og leggja til, og nota jöfnu eða verkfærið "Prjónfesta úr prufu" til að reikna út prjónfestuna.
Ítölsk affelling er teygjanleg og nærri ósýnileg á stroffkanti. Hér er hún sýnd fyrir einfalt stroff, án þess að prjónað sé tvöfalt prjón fyrst. Þetta myndband sýnir aðferðina í tveimur skrefum í stað þessara hefðbundnu fjögurra, sem gerir hana fljótlegri og einfaldari að leggja á minnið.
Ítölsk affelling er teygjanleg og er nærri ósýnileg á stroffkanti. Hér er hún sýnd fyrir einfalt stroff. Fyrir affellinguna sjálfa er prjónað tvöfalt prjón til að mynda sterkari og eilítið þykkari brún, sem kallast vel á við ítölsku uppfitina með tvöföldu prjóni. Eftir tvöfalda prjónið er ítalska affellingin sjálf sýnd í tveimur skrefum í stað þessara hefðbundnu fjögurra, sem gerir hana fljótlegri og einfaldari að leggja á minnið.
Ítölsk uppfit er teygjanleg og er nærri ósýnilegt upphaf fyrir stroffkant. Hér er hún sýnd fyrir einfalt stroff. Eftir uppfitina sjálfa er prjónað tvöfalt prjón til að mynda sterkari og eilítið þykkari brún, sem kallast vel á við ítölsku affellinguna með tvöföldu prjóni.
Húsgangsfitin er ein einfaldasta og algengasta uppfitin, hér er hún sýnd skref fyrir skref.
Það eru ýmsar leiðir til að fella af í sléttu prjóni án þess að það krullist upp; þetta myndband sýnir eina þeirra.
Það eru ýmsar leiðir til að fitja upp á sléttu prjóni án þess að það krullist upp; þetta myndband sýnir eina þeirra.
Hér er sýnt hvernig hægt er að nota dragprjón (e. magic loop) til að prjóna tvö stykki í einu með einum löngum hringprjóni.
Að prjóna tvennt í einu hentar vel fyrir sokka, vettlinga eða ermar þegar þú vilt að þau verði nákvæmlega eins eða vilt ekki þurfa að byrja aftur á byrjuninni þegar þú ert búinn með fyrra stykkið.